تداول عدد من مواقع التواصل الأجتماعي صور للفنانة سهير رمزي بعد خلعها الحجاب في حفل زفاف ابنة الإعلامية سهير جودة، الأمر الذي سبب صدمة للجمهور .
وقالت سهير رمزي في تصريح لها : “أنا قالعة الحجاب من حوالي 4 سنين؛ وعاملة مسلسل في رمضان اللي فات وظهرت بشعري وطلعت في برامج كتير بشعري”.
وقالت : ” دي حدوتة قديمة أوي إزاي الناس بتتكلم فيها؟ وأنا ولا لابسة عريان ولا سواريه وأنا بسمع الانتقادات وبضحك أووي .”
وقالت نفسي الناس تفهم إن الكلمة والأخلاق حجاب، وإني مأذيش ولا أجرح حد حجاب ودا أهم من الطرحة، وكل واحد حر في الآخر لأن ربنا هو اللي بيوزع الجنة والنار”.
وأضافت في تصريحاتها : أنا حرة في تصرفاتي طالما لا أتعدى على حقوق الآخرين.. ومقدرش أحكم على الناس وأقول لهم يلبسوا إيه وياكلوا إيه؛ لأن الإنسان ربنا خلقه له عقل ومسئول عن تصرفاته.
