بالفيديو |حمادة هلال : استبعدوني من حملة اعلانية بسبب أغنية محمد نبينا ..وأفكر في الأعتزال
أكد الفنان حمادة هلال، أن تلقيبه بلقب المطرب المتدين يتعارض مع عمله وقد يتسبب في ضياع فرص منه، قائلا: “لقب المطرب المتدين يتعارض مع شغلى وممكن فرص متجيش وفى فترة كان ممكن اعمل اعلان شركة كبيرة والتعاقد لم يتم من بره عشان نجاح أغنية محمد نبيا”.
وقال الفنان حمادة هلال، خلال حواره ببرنامج “حبر سري”، مع الإعلامية اسما إبراهيم، على قناة القاهرة والناس، على ضياع هذا الاعلان من الشركة الكبيرة، قائلا: “ولا فرق معايا والأغنية اهم لي بكتير وكل زملاءنا محترمين جدا وبتتقى الله وتخاف الله”.
وردا على موقفه من حرمانية العمل الفني، قال: “صراع انى اسيب الفن موجود من زمان معايا ولكن حلال وحرام مقدرش اقولها ولكن اقدر اقول اتقي الله ومفاتيح الجنة والنار عند ربنا، وممكن الواحد يبقى انسان ملتزم بس ييقى يحكم على الناس بالجنة والنار وفى ناس مش بتتقي ربنا”.
وأشار حمادة هلال إلى تأثير الأغاني الدينية عليه، قائلًا: “كان المفروض أعمل حملة لإعلانات شركة كبيرة عالمية، والتعاقد ده متمش بسبب نجاح أغنية محمد نبينا، وده لا فرق معايا والأغنية أهم لي بكتير”، مضيفًا: “فكرة هسيب الفن عشان حرام صراع شغال معانا من زمان من أول ما بدأنا ومن أول ما عملت أول رؤية في حياتي والصراع ده شغال معايا بس حتة الحرام والحلال فكل حاجة باينة وانا مقدرش أقول انا حرام ولا حلال ومقدرش اتكلم في الحتة دي وانا عايز أعمل حاجة واحدة بس ان انا اتقي ربنا في حياتي وفي شغلي وإني أتقي ربنا قبل كل شيئ وبعد كده مفاتيح الجنة والنار عند ربنا سبحانه وتعالى مش عند حد”.
