أخبار الفن

والد حسام حبيب يهاجمه بعد تصريحاته الأخيرة : حطمت شيرين وبناتها بسبب جهلك بشرع ربنا

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

شن حسين حبيب هجوما غير مسبوق على ابنه المطرب حسام حبيب وذلك بسبب تصريحاته الأخيرة بالأمس مع الاعلامي عمرو أديب عن كواليس علاقته بزوجته شيرين عبد الوهاب، وحمل حسين نجله حسام مسئولية تحطيم حياة شيرين ومستقبل ابنتها بعدما نصحها بمخالة الشرع وكتابة كل الثروة باسم ابنتيها معتبرا هذه الخطوة السبب في العداء بين نجله وبين أسرة شيرين، كما أكد حسين أن ابنه لا يزوره طوال 14 عاما إلى في حالة الاحتياج للمال.

حيث قام بنشر عدة منشورات على حسابه الشخصي بموقع الفيس بوك، وذلك بسبب التصريحات ابنه حسام لعمرو أديب في حلقة الأمس من برنامج “الحكاية”، وقال: قولوا الحق ولو على أنفسكم، هو ينفع أخالف شرع ربنا بحجة إنى أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل

وقال أنت كده مش بتحافظ على مال زوجتك، أنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنات معاك.

وقال هو ينفع أخوها بقاله أكتر من 20 سنة بيراعي أخته وهي مصدر رزقه، آجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش، كلمة حق لوجه الله، والدين النصيحة.

وواصل والد حسام حبيب هجومه في منشور آخر علي حسابه الشخصي في فيسبوك قال فيه: أنت بتقول لما رجعت ليها العربية، واحد بيشتغل معاها أخد العربية اللي بخمسة مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وإنها بتكتب شيكات للناس على بياض، أنت كده بتدي مبرر لأهلها ليحجروا عليها وبتطلعها إنها سفيهة وعبيطة، وأنا من معرفتي بيها أنها واعية وناصحة، بتيجي تكحلها تعميها، إسأل أبوك يقولك تقول إيه.

وقال: بتقول انك عمرك ما اخدت منها فلوس وانك ما بتشتغلش 4 سنين كنت عايش على قفا مين وهيا قالت لي يا بابا انا عايزه اتجوز راجل يصرف عليا وقلتله عايزك تشتغل وتصرف على بيتك عشان تكبر في نظر مراتك وتحترمك الحب وحده لا يكفي، اخدت مني مليون جنيه عشان تشطب فيلتك وما تعيش في بيت مراتك وها اردهملك ومن ساعه ما اتطلقت، وأنا بصرف عليك ورايح تقول لعمرو اديب وتهاجمني لتاني مره أنك ماتعرفنيش من 14 سنة، آه ما بتعرفنيش إلا للمصلحة، وعشان تاخد فلوس، وما دخلتش بيتى سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنة مطلقاها ما اشتغلتش ليه بطل حجج، وخليك راجل انت فعلا مش تربيتي، تربية واحدة ست، طلعت من بيت مامي على بيت مراتك.

وبعد ساعات قليلة من كتابة المنشورات قام حسين حبيب بحذف كل المنشورات، واستعاد بدلا منها عدة مقاطع فيديو لأغنيات قديمة لابنه حسام.

مقالات ذات صلة

زر الذهاب إلى الأعلى